ბაზალეთის ბრძოლა(პირველი ძმათა მკვლელი ომი)


1626 წელს ბაზალეთთან მომხდარი ბრძოლა საქართველოს ისტორიაში დიდი შავი წერტილებით ჩაიწერა!

ქართლ-კახეთის მეფის თეიმურაზ I-ისა და გ. სააკაძის შორის მომხდარი ბრძოლა 1626 წელს ბაზალეთთან, ერთ-ერთი ყველაზე მტკივნეული ბრძოლააა საქართველოს ისტორიაში ამ დღეს ბაზალეთთან ქართველმა ქართველის წინააღმდეგ გაილაშქრა და საქართველოს ისტორიაში პირველი ძმათა მკვლელი ომი გაჩაღდა.

სააკაძის მისწრაფებამ ქვეყნის გაერთიანებისა და თავადთა თვითნებობის ალაგმვისაკენ, ამ უკანასკნელთა უკმაყოფილება გამოიწვია. მათ შეძლეს მტრობა ჩამოეგდოთ გ. სააკაძესა და თეიმურაზ I-ს შორის, რომელსაც არ მოსწონდა დიდი მოურავის დამოუკიდებელი ურთიერთობა ოსმალეთის სულთანთან და დასავლეთ საქართველოს მეფე-მთავრებთან. ქართლში მომხდარი განხეთქილების გამოყენება სცადა ირანის შაჰმა აბას I-მა და თეიმურაზ I-ს შერიგება შესთავაზა. ამ გარემოებამ კიდევ უფრო გაამწვავა ურთიერთობია თეიმურაზსა და სააკაძეს შორის. 1626 წლის ზაფხულის დამლევს თეიმურაზი კახეთში გადავიდა, მას თან გადაჰყვა ქართლის დიდ ფეოდალთა ერთი ნაწილი, მათ შორის სააკაძის ცოლისძმა ზურაბ არაგვის ერისთავი და იოთამ ამილახვარი. სააკაძის მხარეზე დარჩნენ ქართლის გამგებელი ქაიხოსრო მუხრანბატონი, სააკაძის სიძე იესე ქსნის ერისთავი და ქართლის სამეფო აზნაურების დიდი ნაწილი.

ქართლის ფეოდალთა ერთი ჯგუფი, რომელიც სიმონ II-ს ერთგულობდა, ბრძოლაში არ მონაწილეობდა. სააკაძემ იმერეთის მეფე გიორგი III- შესთავაზა მისი ვაჟიშვილის ალექსანდრეს ქართლში გამეფება. გამარჯვების შემთხვევაში ალექსანდრე ქართლ-კახეთის მეფე და იმერეთის ტახტის მემკვიდრე იქნებოდა. ეს საქართველოს გაერთიანების საფუძველს შექმნიდა. გიორგი III-მ წინადადება მიიღო და დამხმარე ჯარიც გამოუგზავნა. სააკაძეს ოსმალეთის სულთნის ნებართვით სამცხედანაც მოუვიდა დამხმარე ჯარი. ბრძოლა გვიან შემოდგომაზე, ბაზალეთის ტბასთან გაიმართა. ცუდ ამინდში შორი გზით მოსულ სააკაძის ჯარს არახელსაყრელ პირობებში მოუხდა ბრძოლა. სააკაძემ ერთხანს ბრძოლაში პირადი მონაწილეობა არ მიიღო. გიორგის ცხენზე დავით (დაუთ-ბეგი) გოგორიშვილი შეჯდა და მისი სახელით ბრძოლაში შეიჭრა. იგი ზურაბ ერისთავმა მოკლა. ხმა გავარდა, სააკაძე მოკლესო. გიორგი იძულებული გახდა ბრძოლაში ჩაბმულიყო. სასტიკ შეტაკებაში მრავალი დაიხოცა და დაიჭრა (დაჭრილებს შორის იყვნენ გ. სააკაძე, თეიმურაზ I და ზურაბ ერისთავი). ბრძოლა თეიმურაზ I-სა და ზურაბის გამარჯვებით დამთავრდა, რაც დიდ ფეოდალთა გამარჯვებას მოასწავებდა.

ბაზალეთის ბრძოლაში საქართველოს გაერთიანების დიდი საქმე ჩაიშალა. სააკაძის დამარცხების მთავარი მიზეზი გამაერთიანებელ ძალთა სისუსტე იყო. ამ დამარცხების შემდეგ დიდ მოურავს საქართველოში ყველა გზა მოჭრილი ქონდა გიორგი სააკაძე უდიდესი ქართველი იყო მაგრამ უამრავი აზრი და ეჭვი არსებობს იმასთან დაკავშირებით რომ იგი არ იყო ჭეშმარიტი მამულიშვილი.

ქართველი ხალხი ორად არის გაყოფილი ამ საკითხთან დაკავშირებით და დღემდე ცდილობენ გარკვიონ სინამდვილე. საააკაძემ დაუშვა ერთი დიდი შეცდომა როდესაც ბაზალეთთან ძმათა მკვლელ ომში ჩაება..( მაგრამ ჩემი აზრით სააკაძე უდიდესი ქართველი იყო რომელსაც მართლა სტკიოდა საქართველოზე გული და ცდილობდა ქვეყნა იმ გზით წაეყვანა საითაც გამარჯვება და ივერიის გაბრწყინება იქნებოდა )

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: